على ذكر المواجع والسفروالحل والترحال
..........................طويت اخر ورق عندي في دفتر احزاني
طويته وأنكسر قلبي وصوتي بالمواجع سال
.........................ودريت ان الظﻼم اللي تحت كف السهر جاني
جلست اجمع مسافاتي واغني للسفر موال
.........................على صفحه من الماضي بها حلمي وعنواني
بها كم سافرت عيني ليالي والظﻼم اهوال
.........................وبها كم سافرت روحي وانا بالليل وحداني
حبيبي ليلة البارحه مشيت من الغرام اميال
.........................واناظر رحلت الذكرى هدب عينه يغطيني
حبيبي كل ما اشوفك تجي بالذاكره تختال
.........................نهر من فايض الذكرى يجي من داخل اشجاني
تخيل يوم عانقني خيالك خاطري وش قال
........................تخيل قبل اسولف لك نشدني عنك وجداني
نشدني لين خﻼني مدينه هزها زلزال
........................تخيل ماهدى حتى لقاك بوسط شرياني
اروح لسدرة الموعد معاي لموعدك مرسال
........................واخاف انك تجي قبلي وترحل قبل تلقاني
فخلوف كانت ليالينا الغﻼ والمقبﻼت آمال
........................وفخلوف كانت مواعيدك مطر تخضربه اغصاني
فخلوف كانت نواظرنا سوالف في كﻼم اطفال
........................وفخلوف كانت عصافيرك على دربي تحراني
فخلوف شف باقي آثارك على رمل الوعد مازال
........................فخلوف شف دمعه طاحت من عيونك على شاني
حبيبي ﻻتنشدني عن اوضاعي وكيف الحال
........................انا بعدك سحاب ابيض اضم الريح بحضاني
غﻼك بدلة الذكرى وهاجسي فنجال
.........................تقهواه الجروح اللي بها تنصاني
تسافر بي واحسب اني وصلت اخر وطن بالبال
........................واثرني ماوصلت إﻻ بدايه درب حرماني
وتبقى سيرة الذكرى قصيده تكتب الترحال
........................سوالف للعيون الي صداها دمعة احزاني
كلمات: أحمد سعيد الجنيبي
موضوع: على ذكر المواجع والسفروالحل والترحال 
الخميس سبتمبر 05, 2013 3:00 pm
