على طول الحياة ........ بنقابل ناس
و نعرف ناس ......... و نرتاح ويا ناس عن ناس
عبد الحليم قالها زمان
و بصراحه هيا فعلا حقيقة
كتير قوى نقابل ناس لأول مره فى حياتنا
و من أول مقابلة بينا و بينهم بتحصل كيميا إيجابية
إيجابية دى معناها إننا نحس إن الناس دى نعرفها من زمان
و نلاقى الكلام بيننا و بينهم بقى كلام من القلب
من غير نفاق و لا زواق و لا مجاملة
كلام طبيعى مش متظبط و لا متنظم
نحس إنهم حد قريب قوى
مع إنهم كانوا أغراب من دقايق قليلة
و خلال فتره قليلة قوى بيبقوا قريبين مننا جدا
و غاليين عندنا و عزاز علينا
و نحس بـ غُربة ووحشة أما مانلاقيهومش جنبنا
و ندور عليهم فى وقت شدتنا
و طبعا بنلاقيهم دايما قريبين مننا وواقفين جنبنا
اكتر من أهلنا و ناسنا
و ساعات بقى العكس هو اللى بيحصل
نقابل ناس تحصل بينا و بينهم كيميا سلبية
يعنى بمجرد ما نقابلهم بتحصل قافلة
يعنى بالعربى كده بيحصل تنافر و تباعد
من غير مبرر أو سبب واضح
و مهما حاولوا و حاولنا نقرب و نتكلم
مش بنلاقى فايده خاااااالص
قافلة بمعنى قافلة
الحالتين ممكن يحصلوا لأى حد و مع أى حد
بدون مبرر أو سبب
يعنى مش عيب فيا أو فيك
و لا ميزة فى حد و مش موجوده فى التانى
هيا بس
مجرد كـيـمـيـا
موضوع: سبحان الله هي مجرد كيمياء تقرب القلوب 
السبت أكتوبر 12, 2013 10:12 am
