بريوش باللبن كيجي خفيف ولذيذ

بريوش باللبن

مقادير البريوش باللبن بالصور

1 بيضة

2 كيسان(العنبة) لبن

1 كاس صغير زيت

1 كاس صغير سكر

ملعقة كبيرة خميرة فورية

1 خمارة الحلوى

قبصة ملح

قشرة حامضة

الدقيق حسب الخليط

للتزيين

أصفر بيضة + قطرات خل

جنجلان

سنيدة

نباج+لوز محمر و مهرمش

طريقة تحضير بريوش باللبن بالصور

فزلافة العجانة كنديرو قشرة الحامضة محكوكة و سنيدة و الزيت و اللبن يكون بحرارة الغرفة أو ندفيوه شوية

نزيد البيضة و الخمارة و الخميرة الفورية و الدقيق و نخدمو العجانة و أنا كنزيد الدقيق بشوية بشوية حتى نحصل على عجينة مرخوفة بزاف و كتلصق فاليدين

ندلكو العجينة واحد 10 دقايق و نغطيوها و نخليوها حتى تخمر و يتضاعف حجمها

ندهنو اليدين بالزيت و نخرجو منها الهوا

و نعملو منها كويرات صغار أو متوسطين حسب الرغبة

نخليوهم يخمرو شوية

و نسخنو الفران

ندهنوهم بأصفر البيض مع قطرات الخل

جزء نزينوه بالجنجلان و جزء بسنيدة و جزء نخليوه عادي

و من بعد ندخلوهم للفران حتى يطيبو و يتحمرو

هدا شكلهم منين خرجناهم من الفران و الجزء اللي خليناه بلا تزيين ندهنوه بالنباج و نرشو عليه اللوز محمر و مهرمش

منقوووووول