مقادير دجاجة مبخرة
دجاجة+التوابل+الربيع+ثوم+الزيت+الحامض+فلفلة+بطاطا+خيزو+كرجيط+لوبيا
طريقة تحضير دجاجة مبخرة
ناخدو الدجاجة نغسلوها بالملح وسكنجبير والخل او الحامض مزيان تم نعملو تشرميلة الحوت فيها قزبر ومعدنوس 3 فصوص توم حامضة صغيرة معصورة زيت زيتون كامون تحميرة ملح ابزار نرقدوها ونخليوها تبات
والغد نعملوها تتفور سر من اسرار نجاح الدجاج سواء المبخر او المحمر مني يكون يطيب ندخلو قطيب ديال العود فيه مزيان باش يدخل ليه الطياب وميجيش ناشف
نعملو الفلفلة تشوى
تم نوضعوها ببلاستيك كيف تعرفو نغسلوها ونقطعوها بشكل طولي
ونضعها بالمقلة ونشرملوها حتى هي
بالثوم+ قزبر ومعدنوس+ ملح+ كامون+ شوية ابزار+ تحميرة وزيت زيتون نحركها قليلا تم نضعها على جنب تبرد
كنشرمل الخضر
اولا عاد نفوروها غير هو نصيحة مني تشرمليها من الافضل متغطيهاش باش البخار ميهبطش على الخضر وتحيد التشرميلة منها . كتاخد وقت فالطياب لكن التشرميلة كتبقى فيها عكس ادا غطيتيها نشرملو الحضر :توم+ قزبرومعدنوس +تحميرة كامون+ ابزاراختياري +زيت زيتون ملح نحرك كلشي مزيان ونستفها بالكسكاس
منين طيب كنعملوها بطبق التقديم
مني طابت دجاجة مبخرة ندهنوها بسمن من الافضل السمن كيعطي لدة خاصة ونرجعوها تتحمر متخليوهاش بزاف باش متنشفش
ونقدمو دجاجة مبخرة
موضوع: دجاجة مبخرة بالصور . 
السبت فبراير 22, 2014 10:27 pm
