طورطة للأطفال من الاخت نجاة مشكورة عليها
عملت هذه الطورطة لولدي تيعجبو هاد الكرتون و فرح بها بزاف صورت لكم الطريقة بالتفصيل تنتمنى تعجبكم
مقادير الجينواز
4 بيضات
120 سكر
100 دقيق
20 نشا
1 معلقة صغيرة خميرة
مقادير كريمة الزبدة
150 زبدة لينة
كأس صغير حليب مركز محلى
ملون أحمر
لتزيين
قشدة طرية
ملون غذائي أصفر و أزرق
شكلاط أسود
لتحضير الجينواز ضربت البيض والسكر بالضراب مزيان و أضفت له الدقيق الخميرة مغربلين
خلطت الكل بمعلقة فرغته في قالب مستطيل و دخلته الفرن حت طاب و خليتو يبرد
ضربت الزبدة و أضفت لها الحليب المركز بالتدريج مع التضراب يمكن لنا نخدمها بالضراب اليدوي
بعد ما ندمجت الزبدة و الحليب المركز أضفت لهم القليل من الملون الأحمر و ضربتهم مرة أخرى
قطعت الجينواز على 3 طبقات و ضعت الأول سقيتو بعصير الفواكه
ثم طبقة من كريمة الزبدة نصف الكمية لحضرت
نفس الطريقة بالنسبة الجينواز الثاني و ضعت الجينواز الثالث من الفوق
غطيت الكيك كامل بالقشدة الطرية مضربة مع السكر و وضعتو في الثلاجة
أخذت صورة للكرتون من google
حضرت قمع من ورق الزبدة وضعت فيه شكلاط أسود دايب
وضعت ورق الزبدة فوق الرسم وتبتو باللصاق مسحت فوق الورق بقليل من الزيت و تبعت عليه بالشكلاط
خليتو حتى نشف الشكلاط وزولت الأطراف برأس السكين بشوية بلا ما يتكسر
قلبت الورقة فوق الطورطة و زولتها بشوية
وضعت القشدة الطرية بالألوان في ورق الزبدة
لونت الفم و الرجلين بالأصفر
ثم القميص و القبعة بالأزرق
و ما تبقى باللون الأبيض
زينت من الفوق بوردات باللون الأزرق و الأبيض
وضعت عليهم نقط بالشكلاط
وضعت عليها وردات من عجين السكر
وهذه قطعة منها لكل الأنيقات
يمكن لنا نصايبو أي شكل بنفس الطريقة
موضوع: طورطة للأطفال paperino 
الأحد فبراير 09, 2014 1:08 am
