دجاج محمر

موضوع: دجاج محمر الخميس فبراير 07, 2013 1:29 pm

اولا نشدو دجاج نديروه فالماء البارد نزيدو ليه بزاف ديال الملح +2ليمونات مقطعين نخليوهم ليلة كاملة

مقادير الشرمولة ديال الدجاج

زيت بلدية +زيت لسيور+ 6فصوص ديال التوم + قسبر مقطع صغير زعفران + لهريسة+ ملح+ لعطور+ملعقة صغيرة من السمن الحر نخلط كلشي مزيان ندهنو بيها الدجاج مزيان ونخليوهم 3سعات او اكثر على حساب الوقت لي

عندك ولكن كل ما خمرو كيجيو احسن نديروهم فالثلاجة ماشي فالمجمد

بعد ما ندهنوهم نشدوهم بالورق الومنيوم من الرجلين والجنحين باش اجيو شادين مزيان

نديرهم فمرميطة كبيرة نزيدو ليهم 6بصلات مشرملات نزيدو شوية زيت شوية ملح قسبر بعد مايتشحرو نزيدو ليهم لعطور على حساب 4 ديال كنور دجاج والماء الكافي باش ايطيب الدجاج

بعد ما يطيبو نديرهم يتقطرو مزيان من المرقة اوندهنوهم بهاد الخليط لي هو شوية قسبر قليل من العطرية

لعطرية لي خاصة بالدجاج الى كانت عندكوم شوية زيت نخلطو هاد الشي ندهنو بيه الدجاج نخليوه شوية

او نقليوهم فبزاف ديال الزيت

حتى يتحمرو من كل الجهات او نديروهم فالفران انا كنفضل نقليهم كيجو لذاذ اكثر

للتزيين كنحتاجو بيض مصلوق لوز مصلوق مقلي زيتون مقطع

بعد التزيين

هذه هي العطريه الخاصة بالدجاج

[size=16]منقووووووووووول
[/size]

موضوع: رد: دجاج محمر الجمعة نوفمبر 15, 2013 12:05 pm

شكرا لمرورك
نورتي موضوعي

» أرز مع دجاج بالفرن
» صدر دجاج في الفرن
» دجاج توسكانا ...........
» سندويتشات دجاج مشوي
» دجاج مشرمل بالروز